Maxfiylik siyosati

1. Ma’lumotlarni kim qayta ishlaydi

Shaxsiy ma’lumotlar operatori — yakka tartibdagi tadbirkor Yusupov Islom Umed o'g'li, reyestrdagi yozuv № 8114377 (09.11.2026), faoliyat manzili: Toshkent sh., Mirobod tumani, Uchuvchilar ko‘chasi, 4. Ma’lumotlar bo‘yicha murojaat: telefon +998 91 796 77 99.

2. Qanday ma’lumotlarni olamiz

• buyurtmada: jo‘natuvchining ismi va telefoni, elektron pochta (ko‘rsatilgan bo‘lsa), qabul qiluvchining ismi va telefoni, yetkazish manzili va izoh, otkritka matni, yetkazish sanasi va vaqti;
• Telegram’dagi Kona botini ulagan bo‘lsangiz: Telegram chat raqami (buyurtma holatini yuborish va chatda javob berish uchun) va «Kona bilan chat»dagi yozishmalar;
• «Mening sanalarim»: eslatishni so‘ragan sanalar va ismlar;
• yetkazishdan oldin sizga yuboradigan tayyor sovg‘a surati;
• texnik ma’lumotlar: IP manzil (tanlab urinish va spamdan himoya uchun), brauzeringizdagi sayt sozlamalari (savat, sevimlilar, til, mavzu).

Bank karta raqamlarini olmaymiz va saqlamaymiz: onlayn to‘lovni «Multicard Payment» AJ (Rahmat xizmati) qabul qiladi. Biz undan faqat to‘lov natijasi, usuli (masalan, Payme yoki Uzcard kartasi), summa, komissiya va fiskal chek havolasini olamiz.

Biometrik va genetik ma’lumotlarni yig‘maymiz.

3. Nima uchun

• buyurtmani qabul qilish, tayyorlash va yetkazish, buyurtma bo‘yicha jo‘natuvchi va qabul qiluvchi bilan bog‘lanish;
• to‘lovni qabul qilish, fiskal chek berish, pulni qaytarish;
• buyurtma holati haqida xabar berish va savollarga javob berish (bot ulangan bo‘lsa — Telegram’da);
• «Mening sanalarim»dagi sanalarni eslatish — faqat ularni qo‘shgan bo‘lsangiz;
• saytni suiiste’moldan himoya qilish va qonun talablarini bajarish (buxgalteriya va soliq hisobi).

Tayyor sovg‘a suratini kanalimizda faqat sizning aniq roziligingiz bilan joylaymiz.

4. Asos

Ma’lumotlarni buyurtma berishda (rasmiylashtirish tugmasi) yoki botni ulashda bergan roziligingiz asosida, shuningdek ommaviy oferta bo‘yicha shartnomani bajarish va O‘zbekiston Respublikasi qonunchiligi talablari uchun qayta ishlaymiz.

5. Kimga beramiz

• kuryer yoki taksi xizmatiga — qabul qiluvchining ismi va telefoni, manzil va vaqt (faqat yetkazish uchun);
• «Multicard Payment» AJ (Rahmat) — buyurtma raqami va summasi, chek qatorlari (to‘lov, chek va qaytarish uchun); karta ma’lumotlarini ularning sahifasida o‘zingiz kiritasiz;
• Telegram — Kona botidan foydalansangiz, xabarlar;
• sayt ishlaydigan xosting va ma’lumotlar bazasi yetkazib beruvchilariga — saqlash uchun (shartnoma asosida, kirish himoyalangan);
• davlat organlariga — faqat qonunda nazarda tutilgan hollarda.

Ma’lumotlar qayerda saqlanadi: sayt ma’lumotlar bazasi — Supabase, Frankfurt (Germaniya)dagi ma’lumotlar markazi. Germaniya O‘zbekiston Respublikasi Vazirlar Mahkamasi 29.07.2026 da tasdiqlagan shaxsga doir ma’lumotlarni yetarli darajada himoya qiladigan davlatlar ro‘yxatiga kiradi.

Shaxsiy ma’lumotlarni sotmaymiz va boshqalarning reklamasi uchun bermaymiz.

6. Qancha saqlaymiz

• buyurtmalar va to‘lovlar — buxgalteriya va soliq hisobi to‘g‘risidagi qonun talab qilgancha;
• tayyor sovg‘a surati — yetkazish sanasidan keyin 90 kun;
• «Kona bilan chat»dagi yozishmalar — 12 oy;
• to‘lovlar jurnali (to‘lov tizimining texnik javoblari, karta ma’lumotlarisiz) — 180 kun;
• himoya uchun IP manzil — cheklov oynasi tugaguncha (daqiqalar yoki soatlar).

7. Huquqlaringiz

Bizda qanday ma’lumotlaringiz borligini bilish, ularni tuzatish, o‘chirishni so‘rash (qonun bo‘yicha saqlashimiz shart bo‘lganlaridan tashqari), roziligingizni qaytarib olish, bot va eslatmalarni o‘chirish huquqiga egasiz. Kona botiga yozing yoki biz bilan bog‘laning (telefon +998 91 796 77 99) — 10 ish kuni ichida javob beramiz.

8. Himoya

Buyurtma ma’lumotlariga faqat ishi uchun kerak bo‘lgan xodimlar (rollar bo‘yicha) kira oladi, kirish — parol va tasdiqlash kodi bilan. Sayt bilan aloqa himoyalangan (HTTPS).

9. O‘zgarishlar

Ushbu siyosatni yangilashimiz mumkin; yangi tahrir shu sahifada e’lon qilingan paytdan kuchga kiradi. Tahrir sanasi: 10.11.2026.